Historien om fam. Instanes
Det som i dag er Hardangertun, heitte opphavleg Hardanger Planteskule. I 1950 oppretta Nils L. Instanes planteskulen som leverte frukttre, roser og prydbuskar til heile landet. På grunn av auka popularitet og mange besøkande, utvida planteskulen tilbodet sitt med ein hagekafé, der det både vart arrangert program og dans i det idylliske hageanlegget.
Neste steg, i 1954, var å starta campingplass som fekk toppklassifisering, 3 stjerner, i Relivsbedriftenes Landsforening (RBL). I 1961 valgte Instanes å leiga ut Hardangertun for å reisa til USA. Frå 1961 til 1979, dreiv han fleire skandinaviske restaurantar i USA kalla «Norslander Smørgåsbord».
I 1979 returnerte Nils L. Instanes frå USA saman med kona Ingbjørg Rygg Instanes. Dei fortsatte med å bygga ut Hardangertun med gjestestover og hytter av høg standard. Hardangertun vart av Landslaget for overnattings- og serveringsnæringen då kåra som ein av to campingplassar i landet med fem stjerner.
Hardangertun Leirskule vart etablert i 1982, og er i dag ein av dei mest besøkte i landet.
I 2004 kjøpte Hardangertun naboverksemda Hardanger Feriepark. I dag driv Dag og Lars Instanes Hardangertun, saman med foreldra Nils og Ingbjørg.
Familien Instanes ønskjer alle hjarteleg velkomen til Hardangertun!
